Meri Zindagi tu FiraaQ hai,

Meri Zindagi tu FiraaQ hai, Woh Azal Say Dil main Makeen Sahi.....

Woh Nigah_E_ShoQ Se DoOr hain, Rag_E_Jaan Se Laakh Qareen Sahi,

Humain Jaan Deni hai Aik Din, Woh Kisi Tarah Woh Kahin Sahi....

Humain Aap Khenchiye Daar Per, Jo Nahi Koi Tu Humeen Sahi,

Sar_E_ToOr ho, Sar_E_Hashr ho, Humain Intizaar QaboOl hai....

Woh Kabhi Milen, Woh Kahin Milen, Woh Kabhi Sahi, Woh Kahin Sahi,

Na Ho Un Pe Kuch Mera Bus nahi, K Yeh Aashiqi hai Hawas Nahi....

Main Unhi'n Ka Tha, Main Unhi'n ka hOn, Woh Mere Nahi tu Nahi Sahi,

Tera Dar tu Humko Na Mil Saka, Tere Rahguzar ki Zameen Sahi.....

Humain Sajda Karne Se Kaam hai, Jo Wahan Nahi Tu Yahin Sahi,

Meri Zindagi ka Naseeb hai, Nahi DoOr Mujh Se Qareeb hai.....

Mujhe Uska Gham tu Naseeb hai, Woh Agr Nahi tu Nahi Sahi,

Jo hO Faisla Woh Sunaaiye, Usay Hashr Pe Na Uthaaiye.....

Jo Karen Gay Aap Sitam Wahan, Woh Abhi Sahi, Woh Yahin Sahi,

Usay Dekhne ki Jo Low Lagi, Tu "Naseer" Dekh hi Len ge Hum.....

Woh Hazaar AankhOn Say DoOr ho, Woh Hazaar Parda Nasheen Sahi....!!