"Mairi Zaat Zara-e-Bay Nishan"

"Mairi Zaat
Zara-e-Bay Nishan"
Kabhi Sooni Subah mein Ghoomna,
Kabhi Ujrri Shaamon ko Daikhna,
Kabhi Bheegi Palkon say Jaagna,
Kabhi Beetay Lamhon ko Sochna,
Magar Ek Pal Umeed Ka,
Hai Mujhay Khuda ka Jo Aasra,
Naa hi Main nay Koi Gila Kiya,
Naa hi Main nay Di Duhaaiaan.
"Mairi Zaat
Zara-e-Bay Nishan"
Main Wo Kis Tarah say Karoon Bayan,
Jo Kiay Gaey Sitam Yahan,
Sunay Koun Mairi Ye Daastaan,
Koey HumNasheen Naa hi RaazDaan,
Jo Tha Jhoot Yahan Sach Bana,
Nahin Kholi Main nay Magar Zuban,
Ye Akaila Pan,
Ye Udaasian,
Mairi Zindagi ki hi Tarjumaan.
"Mairi zaat
Zara-e-Bay Nishan"